Tongava eo anoloan’ny Tompo amin-karavoana, aleloia.
Hobio ny Tompo, ry tany tontolo, *
tompoy amin-kafaliana ny Tompo;
tongava eo anoloany amin-karavoana, *
ekeo fa ny Tompo no Andriamanitra.
Izy no nanao: ka Azy isika, *
vahoakany sy ondry andrasany.
Idiro amin-tsaotra ny vavahadiny, *
idiro amin-dera ireo kianjany.
Derao Izy, isaory ny Anarany: *
eny, tsara ny Tompo;
eny, mandrakizay ny fitiavany, *
amin’ny taona rehetra ny fahamarinany.
Voninahitra anie ho an’ny Ray
sy ny Zanaka
sy ny Fanahy Masina.
Ho tahaka ny
taloha sy
ankehitriny ary mandrakizay.
Amen.
Tongava eo anoloan’ny Tompo amin-karavoana, aleloia.
Vakiteny fohy
Acts 5:30-32
Natsangan’ny Andriamanitry ny razantsika ho velona avy any amin’ny maty i Jesoa, izay novonoinareo nahantona tamin’ny hazo. Izy nasandratry ny tanana an-kavanan’ Andriamanitra ho Mpifehy sy Mpamonjy, mba hanome fibebahana sy famelan-keloka an’ i Israely. Ary izahay sy ny Fanahy Masina nomen’ Andriamanitra an’izay rehetra manaiky Azy no vavolombelon’izany zavatra izany.
Valiny fohy
V.Nitsangan-ko velona avy any amin’ny fasana ny Tompo, *Aleloia, aleloia. Nitsangan-ko...
A. Ilay nihantona teo amin’ny Hazo ho antsika. *Aleloia, aleloia. Voninahitra... Nitsangan-ko...
Tononkira
Benedictus
Ny Mesia sy ny Mpialoha Azy
Izay mihinana ny Nofoko sy misotro ny Rako, dia mitoetra ao anatiko, ary Izaho ao anatiny, aleloia.
Isaorana ny Tompo Andriamanitr’i Israely,*
fa namangy sy nanavotra ny olony Izy:
Mpamonjy mahery no nomeny antsika*
avy amin’ny terak’i Davida mpanompony.
Tomombany ankehitrio ny teniny fahiny*
voalazan’ireo mpaminaniny masina:
dia ny hamonjy antsika amin’ny rafintsika*
sy hanafaka amin’ny mpankahala rehetra.
Naneho fitia tamin’ny razantsika Izy,*
ka tsaroany ilay fanekeny masina,
ilay fianianana izay nataony*
tamin’i Abrahama razantsika:
dia ny hanala antsika amin’ny rafintsika*
mba hanompoantsika Azy tsy amin-tahotrra,
fa amin-toetra masina sy marina eo imasony,*
amin’ny andro rehetra hiainantsika.
Ary ianao kosa, anaka,*
dia ho mpaminanin’ny Avo indrindra.
Handeha eo alohan’ny Tompo ianao*
mba hamboatra ny lalany.
Ny fahalalana ny famonjena*
no homenao ny olony:
ka ho fantatr’ireo*
fa voavela ny helony!
Be fitiavana manko ilay Andriamanitsika:*
koa miposaka avy any ambony hamangy antsika
ilay Masoandro hanazava an’ireo mihitsoka*
ao amin’ny haizin’ny fahafatesana,
ilay Masoandro hitarika ny diantsika*
mankany amin’ny fiadanana!
Voninahitra anie ho an’ny Ray... Ho tahaka ny taloha...
Voninahitra anie ho an’ny Ray
sy ny Zanaka
sy ny Fanahy Masina.
Ho tahaka ny
taloha sy
ankehitriny ary mandrakizay.
Amen.
Izay mihinana ny Nofoko sy misotro ny Rako, dia mitoetra ao anatiko, ary Izaho ao anatiny, aleloia.
Ranombavaka
Andriamanitra Ray dia nanolotra fiainam-baovao ho antsika, tamin’ny alalan’i Kristy nitsangan-ko velona; koa mitalahoa Aminy manao hoe:
Hazavao amin’ny fahazavan’i Kristy izahay!
– Ianao Andriamanitra nampiseho ny fitantananao ny asanao hatrizay hatrizay, ary nahary ny tany onenanay sy tsy mandao ny taranaka mifandimby;
mba hofenoinao amin’ny soa ao an-tranonao izahay rehefa afa-pahotana.
– Nomenao ny fiadananao ny Apôstôlinao;
koa omeo ny fiadananao izahay sy ny mponina rehetra eran-tany.
Rainay any an-danitra,
hohamasinina anie ny Anaranao,
ho tonga anie ny Fanjakanao,
ho tanteraka anie ny sitra-ponao:
ety an-tany tahaka ny any an-danitra.
Omeo anay anio ny haninay isan’andro,
avelao ny fahotanay
tahaka ny amelanay izay nanao ratsy taminay,
aza avelanao ho azon’ny fitaoman-dratsy izahay
fa manafaha anay amin’ny ratsy.
Ry Andriamanitra Andriananahary ô, mihanta Aminao izahay nahalala ny fahasoavana vokatry ny Paka: enga anie hitsangan-ko velona hahazo ny fiainam-baovao noho ny herin’ny Fanahinao Fitiavana. Amin’ny alalan’i J.K.Z.T.
Ny Tompo anie hitso-drano antsika, sy hiaro antsika amin’ny ratsy rehetra, ary hitondra antsika any amin’ny fiainana mandrakizay.
Amen.
Universalis podcast: The week ahead – from 21 April
Acts, St John and the Apocalypse. What is the Liturgy of the Hours? A week of missionaries. (15 minutes) Episode notes.